«…Ճշմարիտ ասում եմ ձեզ, որովհետև այս իմ փոքր եղբայրներից մեկին արիք, Ինձ արիք»
(Մաթևոս 25.40)
Ինչ է ZOOM ավետարանչական ծրագիրը
Տարիներ առաջ մեր եկեղեցու երիտասարդների նախաձեռնությամբ մեկնարկեց ZOOM ավետարանչական ծրագիրը, որը շարունակում է գործել և պտուղ բերել մինչ այսօր:
Այցելելով Հայաստանի տարբեր գյուղեր՝ երիտասարդներն այնտեղի բնակիչներին են փոխանցում եկեղեցու կողմից հավաքված հագուստն ու իրերը, ինչի կարիքը գյուղի բնակիչները շատ ունեն:
Իսկ մանկական ծառայության ծառայողների այցը ժպիտներ ու երջանիկ պահեր է պարգևում այնտեղի երեխաներին, որոնցից շատերն իրենց կյանքում երբևէ չեն հանդիպել ծաղրածուների, չեն մասնակցել մանկական ուրախ ծրագրերի:
Ժողովրդական երգերի համերգը, քաղցր հյուրասիրությունն ու ծառայողների կողմից ցուցաբերված սերն ու ջերմությունը օրը վերածում են իսկական տոնի նաև մեծերի համար: Ծրագրի շրջանականերում գյուղում կազմակերպվում են նաև սպորտային միջոցառումներ և անվճար գեղեցկության սրահ, որտեղ կամավոր մասնագետները սիրով ծառայում են գյուղի բնակիչներին:
Ուշադրություն, օգնություն, սեր, ջերմություն և փրկության խոսք. հենց սա ենք ձգտում փոխանցել մարդկանց՝ ցույց տալով, որ Աստված անտարբեր չէ նրանց կարիքների նկատմամբ:
Տեսադարան
Բաժիններ
Նոր այցելու
